LITSEY YUTUQLARI
Qarshi muhandislik – iqtisodiyot instituti akademik litseyida 2021-2022 o‘quv yili O‘zbekiston Respublikasi Prezidentining 2017-yil 14-martdagi “O‘rta maxsus, kasb-hunar ta’lim mussasalari faoliyatini yanada takomillashtirish chora tadbirlari to‘g‘risida” gi 2829-sonli hamda 2017-yil 26-sentabrdagi “Oliy ta’lim muassasalariga kirish uchun nomzodlarni maqsadli tayyorlash tizimini yanada takomillashtirish to‘g‘risida»gi 3290-sonli qarori hamda 2020–yil 3–dekabrdagi “Iqtidorli yoshlarni saralab olish tizimi va akademik litseylar faoliyatini takomillashtirish chora-tadbirlari to‘g‘risida”gi 4910-sonli qarorlari asosida o‘z faoliyatini izchillik bilan davom ettirmoqda.
2021-2022 o‘quv yilida jami 576 nafar o‘quvchi tahsil oldi, shundan 289 nafarini 2-bosqich o‘quvchilar, 287 nafarini 1-bosqich o‘quvchilari tashkil qildi. Ularga 48 nafar doimiy shtatdagi, 8 nafar ichki o‘rindosh hamda 13 nafar tashqi o‘rindoshlik asosida yuqori malakali o‘qituvchilar ta’lim-tarbiya berdilar.
Dars mashg‘ulotlari ana’naviy tarzda tashkil qilindi. O‘quvchilarning dars mashg‘ulotlariga qatnashishi doimiy ravishda nomma-nom davomati yuritilib kelindi. O‘quvchilarni an’anaviy dars mashg‘ulotlariga qatnashishi davomati o‘rtacha 98-99% ni tashkil qildi. O‘quvchilarning davomatini yaxshilash maqsadida doimiy ravishda ota-onalar bilan o‘qituvchilar o‘rtasida hamkorlik aloqalari yo‘lga qo‘yildi.
Akademik litseyda har oyda o‘quvchilar bilim darajasi oraliq va yakuniy nazoratlar, ichki test sinovlari orqali monitoring qilib borildi. O‘quvchilar bilimi ota-onalar bilan hamkorlikda o‘rganildi. Bilimi past o‘quvchilar uchun qo‘shimcha darslar tashkil etildi. Darsdan so‘ng o‘quvchilar o‘zlarining qiziqishlariga ko‘ra, fan va sport to‘garaklariga jalb etildi. Akademik litsey o‘qituvchilari: Manzura Ochilova tashkil etgan “Yosh matematiklar”, Nurali Aralov boshqarayotgan “Nyuton izdoshlari” hamda Meliqulova Mahbuba tashkil etgan “Kompyuter bilimdonlari” to‘garagi ham o‘quvchilarda katta qiziqish o‘yg‘otdi.
2021-2022 o‘quv yilida akademik litseyda 28 ta fan to‘garagi va 5 ta sport to‘garagi faoliyat yuritdi.
О‘zbekiston Respublikasi Prezidentining 2020-yil 3-dekabrdagi “Iqtidorli yoshlarni saralab olish tizimi va akademik litseylar faoliyatini takomillashtirish chora-tadbirlari tо‘g‘risida”gi 4910-sonli qarorida belgilangan vazifalardan kelib chiqib, Qarshi muhandislik-iqtisodiyot instituti tomonidan akademik litseyda ta’lim-tarbiya jarayonining samarasini oshirish va unumli foydalanish hamda akademik litsey o’qituvchilarini moddiy rag’batlantirish maqsadida jami 600 mln so’m mablag’ yo’naltirildi. Shuningdek akademik litseyning 12 nafar o’qituvchisiga oylik ustama haqlari berib borildi.
Akademik litseyida 2021-2022 о‘quv yili bitiruvchilari hamda pedagog-о‘qituvchilari bilan Qarshi muhandislik-iqtisodiyot instituti rektorining “Rektor soati” uchrashuvi va alohida о‘rnak kо‘rsatgan bitiruvchilarni taqdirlash marosimi о‘tkazildi. Tadbirda institut rektori O.SH. Bazarov, institutning о‘quv ishlari bо‘yicha prorektori R. Eshonqulov, institut professorlari sо‘zga chiqib, bugungi kunda akademik litsey pedagog-о‘qituvchilari oldida turgan muhim vazifalar haqida tо‘xtalib, ularning ish faoliyati samaradorligini, natijadorligini yanada oshirish maqsadida tegishli takliflar va fikr-mulohazalarni bildirdilar. Shuningdek, institut rektori tomonidan akademik litsey bitiruvchilaridan bir guruhini institutga davlat granti asosida o’qishga о‘qishga qabul qilinganligi bilan qizg‘in tabriklab, ushbu bitiruvchi о‘quvchilar va ularning ota-onalarini Qarshi muhandislik-iqtisodiyot institutining tashakkurnomalari va pul mukofotlari bilan taqdirladi.
Qarshi muhandislik-iqtisodiyot instituti akademik litseyida 2021/2022-o‘quv yili bitiruvchilarining ona tili va adabiyoti fani bilan boshlangan Yakuniy davlat attestatsiyalarining ochilishi marosimi o‘tkazildi. Tadbirda institut rektorining buyrug‘i bilan institutning o‘quv ishlari bo‘yicha prorektori raisligida Qarshi muhandislik-iqtisodiyot institutining bir guruh attestatsiya komissiyasi raislari M.Ahmedova, P.Xoliqulov, S.Ibragimov, G.D.Jumayeva, M.Eshmirzayeva, Sh.D.Jo’rayeva, M.Musayev, H.Nurillayev ishtirok etdi hamda so‘zga chiqdilar.
Qarshi muhandislik-iqtisodiyot instituti akademik litseyida 2021/2022-o‘quv yili bitiruvchilarining ona tili va adabiyoti fani bilan boshlangan Yakuniy davlat attestatsiyalarining ochilishi marosimi o‘tkazildi. Tadbirda institut rektorining buyrug‘i bilan institutning o‘quv ishlari bo‘yicha prorektori raisligida Qarshi muhandislik-iqtisodiyot institutining bir guruh attestatsiya komissiyasi raislari M.Ahmedova, P.Xoliqulov, S.Ibragimov, G.D.Jumayeva, M.Eshmirzayeva, Sh.D.Jo’rayeva, M.Musayev, H.Nurillayev ishtirok etdi hamda so‘zga chiqdilar.
Akademik litseyda institutning Fizika va elektronika kafedrasi professor-о‘qituvchilari bilan hamkorlikda akademik litseyning 205 va 204-guruhlar o’rtasida “Fizika fani taraqqiyotimizning asosi” mavzusida ilmiy nazariy kecha tashkil qilindi. Tadbirda “Fizika va elektronika” kafedrasi professori, pedagogika fanlar doktori Tursunov Q. “Fizika va elektronika” kafedrasi katta o’qituvchisi Qorjovov M. “Fizika va elektronika” kafedrasi dotsenti Eshmirzayeva M. ishtirok etib, bitiruvchi yoshlarga Qarshi muhandislik-iqtisodiyot institutida yaratilgan sharoitlar, imkoniyatlar tо‘g‘risida tushuntirish berdilar. Shuningdek, “Fizika va elektronika” kafedrasida mavjud yо‘nalishlar, ularga о‘qishga kirish ballari, mutaxassisliklar tо‘g‘risida tо‘xtalishib, ushbu yо‘nalishlarni tugatgach qaysi sohalarda malakali mutaxassis bо‘lib faoliyat yuritish mumkinligini turli misollar bilan tushuntirib berdilar.
Qarshi MII va akademik litsey o‘rtasida quyidagi kafedralar hamkorligi yo‘lga qo‘yilgan:
– Umumiy fizika kafedrasi;
– Oliy matematika kafedrasi;
– O‘zbekiston tarixi kafedrasi;
– Xorijiy tillar kafedrasi;
– Umumiy kimyo kafedrasi;
– Ijtimoiy fanlar kafedrasi;
– O‘zbek tili va adabiyoti kafedrasi.
Shuningdek, institut kafedralarining quyidagi 5 nafar o‘qituvchilari akademik litsey o‘quvchilariga soatbay asosda ta’lim berishadi:
| № | Familiya va ismi | Fani |
| 1 | Ibragimov Suxrob | Matematika |
| 2 | Egamov Mirshoxid | Matematika |
| 3 | To‘rayev Sirojiddin | Fizika |
| 4 | Qarshiyev Bekzod | Matematika |
| 5 | Ergashev Nuriddin | Informatika |
AKADEMIK LITSEYNING XALQARO ALOQALARI
Germaniyaning Toshkentdagi Gyote instituti bilan hamkorlikda amalga oshirilayotgan ishlari hamda o‘quvchi va o‘qituvchilarning ishtiroki va yutuqlari
Qarshi muhandislik-iqtisodiyot akademik litseyi 2013-yil 1-fevral kuni Germaniya Federativ Respublikasining Gyote instituti bilan Maktab kelajak hamkorlari tashabbusi doirasida o‘zaro hamkorlik shartnomasini imzolagan. Shartnomada har yili akademik litseyning nemis tili o‘qituvchilari Germaniyaning Gyote instituti Toshkent filialida hamda Germaniya Federativ Respublikasida tashkil etiladigan seminar-treninglar, malaka oshirish kurslarida ishtirok etishlari, akademik litsey o‘quvchilari orasidan nemis tilini yaxshi o‘rgangan o‘quvchilarga Fit 1 va Fit 2 imtihonlari o‘tkazilib, eng yuqori ball olgan o‘quvchilarni Germaniyaning ko‘zga ko‘ringan shaharlarida tashkil etilgan yozgi til o‘rganish lagerlariga yuborish, PASCH – Maktab kelajak hamkorlari tashabbusi doirasida tashkil etiladigan turli musobaqalarda ular ishtirokini ta’minlash ko‘zda tutilgan.
2021-yil oktabr oyida akademik litseyning ingliz tili o‘qituvchisi Safarova Zuhra Erasmus+ dasturi bo‘yicha Ruminiya davlatining Piteshti universitetida 1 haftalik stajirovka o‘tash granti sohibi bo‘ldi hamda ushbu universitetda tajriba almashdi.
Shuningdek, 2020-yilda Germaniyaning Toshkentdagi Gyote instituti bilan hamkorlikda «SOLARMIR» tashkiloti tomonidan kichik xajmli quyosh elektr stansiyasi o‘rnatildi va foydalanishga topshirildi. Hamkorlik aloqalari davom etmoqda. Akademik litseyda “Quyosh maktabi” loyihasiga O’zbekistondagi ta’lim muassasalari ichida akademik litseyning birinchi bo’lib qabul qilinganligi munosabati bilan ochilish marosimi bo’lib o’tdi. Xalqaro onlayn tadbirda O’zbekistonning Germaniyadagi elchixonasi vakili B.Rahmatullayev, Gyote instituti rahbari janob Y.Helfer, Gyote instituti til bo’limi boshlig’i D.Muhammadaminova, PASCH loyihasi koordinatori E.Yankovich, “Eclareon” quyosh kompaniyasi vakillari, «Ideas intro energy GMBH» firmasi vakili janob Ch.Urbschat, Toshkent davlat texnika universiteti professori N.Mirzarahimov, «Mir Solar» firmasi vakili A.Mirzabayev, Qarshi muhandislik- iqtisodiyot instituti Xalqaro aloqalar bo‘limi boshlig‘i A.Eshov, nemis tili o’qituvchilari, litsey o’quvchilari ishtirok etdilar.
Akademik litseyda 17 nafar xorijiy til o’qituvchilarining 13 nafari Davlat test markazi hamda xalqaro imtihonlardan muvaffaqiyatli o‘tib, sertifikat olgan. Shuningdek, 15% hamda 50% ustama olishga muvaffaq bo‘lishgan.
| № | O‘qituvchining ismi sharifi | Fani | Til bilish darajasi |
| 1 | Djo’rayeva Gulbahor | Rus tili | ТРКИ-III/C1 |
| 2 | Xudayqulova Zilola | Ingliz tili | CEFR C1 |
| 3 | Bozorova Shaxnoza | Ingliz tili | CEFR B2 |
| 4 | Ubaydullayeva Orzigul | Ingliz tili | CEFR C1 |
| 5 | Almardonova Zebo | Ingliz tili | TKT B2 |
| 6 | Yarmanov Faxriddin | Fransuz tili | CEFR C1, DELF DALF C1 |
| 7 | Atamurodova Dilfuza | Nemis tili | CEFR C1, Gyote sertifikat C1 |
| 8 | Nazarova Shoxida | Nemis tili | CEFR C1, Gyote sertifikat B2 |
| 9 | Ochilova Yulduz | Ingliz tili | CEFR B2 |
| 10 | Xushmanova Shaxnoza | Ingliz tili | CEFR C1 |
| 11 | Qudratov Akmal | Akademik litsey ijrochi direktori | Gyote sertifikat B2 |
| 12 | Normaxmatov G‘olib | Ingliz tili | IELTS 7 |
| 13 | Qarshiyev Xusayn | Ingliz tili | IELTS 6 |
2022- 2023 o‘quv yilida IELTS, DTM va Gyote sertifikatini qo‘lga kiritgan akademik litsey o‘quvchilari RO‘YXATI
| № | O‘quvchining FISH | Guruhi
|
IELTSdan to‘plagan bali, DTM va Gyote sertifikatida til bilish darajasi |
| 1 | Bozorov Asadbek | 201-guruh | IELTS 6 CEFR B2 |
| 2 | Davronov Habibullo | 201-guruh | IELTS 6 |
| 3 | Olimov Behruz | 201-guruh | IELTS 5,5 |
| 4 | Avazova E’zoza | 202-guruh | IELTS 6 |
| 5 | Maxmaraimov Alisher | 208-guruh | CEFR B2 |
| 6 | Baxtiyorova Marjona | 209-guruh | CEFR B2 |
| 7 | Shomirzayeva Habiba | 209-guruh | CEFR B2 |
| 8 | Shomirzayeva Shaxnoza | 209-guruh | CEFR B1 |
| 9 | Abdulhaqov Aziz | 102-guruh | IELTS 6,5 |
| 10 | Parmonova Ruhshona | 210-guruh | CEFR B2 |
| 11 | Qurbonova Dilnoza | 210-guruh | CEFR B2 |
| 12 | Qayimova Mohinur | 210-guruh | CEFR B2 |
| 13 | Jo’rayeva Shaxzoda | 210-guruh | IELTS 6 |
| 14 | Murodova Mohiniso | 210-guruh | CEFR B2 |
| 15 | Ashurova Gulbeka | 210-guruh | CEFR B2 |
| 16 | Normo’minova Charos | 210-guruh | CEFR B1 |
| 17 | Usmonova Farangiz | 211-guruh | CEFR B2 |
| 18 | Jonimqulova Sevinch | 211-guruh | CEFR B1 |
Akademik litseyda har oyning 15-sanasida umumta’lim fanlardan ichki test sinovlari tashkil qilinib kelinmoqda. Ichki test jarayoni auditoriya rahbari hamda nazoratchilar tomonidan, shuningdek, bo‘lim boshliqlari tomonidan nazorat qilindi. Ichki test sinovlari natijalariga asosan to‘rtta yo‘nalishdan eng yuqori ball olgan o‘quvchilar moddiy va ma’naviy rag‘batlantirilib kelindi. Shuningdek, ichki test sinovlari natijalari har ikki oyda tashkil etilgan ota-onalar yig‘ilishlarida tahlil qilinib boriladi. Shuningdek, ichki test sinovlaridan yuqori ball olgan har oyda 15-20 nafardan o‘quvchilarning ota-onalariga akademik litsey rahbariyatining tashakkurnomalari katta saflanishlarda berib borildi.
2022-2023 o‘quv yilida akademik litsey kutubxonasi 18332ta kitob fondiga ega bo‘lib, 543 nafar o‘quvchi, 105 nafar o‘qituvchi va ishchi xizmatchilarga xizmat ko‘rsatib keldi, 46 nafarini mahalla yoshlari tashkil qildi. Kutubxonaga akademik litseyning barcha pedagog o‘qituvchi va o‘quvchilari a’zo qilingan. Kutubxonada 40 o‘rinli o‘quv zali mavjud bo‘lib, kitobxonlar bilim olishlari uchun barcha shart-sharoitlar yaratilgan. Kutubxonada kitobxonlarning har kunlik monitoring qilib borilib, qatnov 130 ta, kitob berilishi 330 tani tashkil qildi. Kutubxonaning yillik qatnovi 81000 ta, kitob aylanishi 224000 tani tashkil qildi. Kutubxonada o‘tkazilgan “Eng faol kitobxon o‘qituvchi” tanlovi, 21-oktabr O‘zbek tili Davlat tili maqomi berilgan kun munosaati bilan “Til millat ko’zgusi” nomli tadbir, 27-oktabr kuni litsey kutubxonasida “Ko‘hna va navqiron Qashqadaryomsan” nomli kecha o’tkazildi, “O‘qishi kerak bo‘lgan asarlar” nomli kechasida Abdulla Qodiriyning “ O‘tgan kunlar”, Mirkarim Osimning “Zulmat ichra nur” asarlaridan tuzilgan kechalar o‘tkazilib turadi.
2022-2023 o‘quv yilida akademik litseyda 243 nafar qizlar taxsil olmoqdа. O‘quv yili boshlanishi bilan akademik litsey xotin -qizlarining umumiy yig‘ilishi o‘tkazilib, litsey qizlari orasidan “Qizlar sardorlari” tanlanib olindi. 11-oktabr Xalqaro qizlar kuni munosabati bilan o‘quvchilar turar joyida yashovchi o‘quvchi qizlar bilan “Qiz bola hayosi bilan go‘zal” nomli davra suhbati o‘tkazildi. 2022-2023 o‘quv yili davomida Qarshi shahar IIB, Yoshlar ittifoqi, Yoshlar agentligi bilan hamkorlikda “Jaholatga qarshi ma’rifat” mavzularida davra suhbatlari va tushuntirish ishlari olib borildi.
Akademik litseyning barcha guruhlarida ota-onalar qo‘mitalari raisi va 2 nafar a’zosi saylangan bo‘lib, litsey bo‘yicha jami 22 ta guruhda guruh ota-onalar qo‘mitasi raislari va a’zolari faoliyat yuritib keldi. 2021-2022 o‘quv yili davomida akademik litseyning 1-2 bosqich o‘quvchilarining ota-onalar yig‘ilishlari tashkil qilinib kelindi. Ushbu yig‘ilishlarda Qarshi muhandislik-iqtisodiyot instituti professor-o‘qituvchilar ham jalb qilindi. Iqtisodiyot fakulteti, texnologiya fakulteti hamda ijtimoiy fanlar kafedrasining bir guruh professor-o‘qituvchilari tomonidan bitiruvchi guruh o‘quvchilari va ularning ota-onalariga institutda yaratilgan sharoitlar xaqida ma’ruza qilib, tegishli tavsiyalar berdilar hamda kasbga yo‘naltirish ishlarini olib bordilar.
Akademik litseyni 2021-2022 o‘quv yilida jami 289 nafar bitiruvchidan 268 nafari yoki 93% oliy ta’lim muassasalariga shundan 49 nafari yoki 18% Qarshi muhandislik-iqtisodiyot institutiga o‘qishga qabul qilindi. 2020-2021 o‘quv yilida esa jami 338 nafar bitiruvchidan 282 nafari yoki 83.4% oliy ta’lim muassasalariga shundan 56 nafari yoki 17% Qarshi muhandislik-iqtisodiyot institutiga o‘qishga qabul qilingan edi.
2022-yil 26-sentabr kuni O‘zR VM huzuridagi Ta’lim sifatini nazorat qilish davlat inspeksiyasi tomonidan Respublika oliy ta’lim muassasalari va akademik litseylar milliy reytingi e’lon qilindi.
Unda ilk marotaba aniqlangan akademik litseylar reytingi ham eʼlon qilindi. Taʼlim inspeksiyasi tomonidan mamlakatimizdagi bitiruvchisi mavjud boʻlgan 65 ta akademik litseylar faoliyati samaradorligi, taʼlim sifatiga baho berishi toʻrtta muhim yoʻnalishda 7 ta indikator asosida, jumladan, akademik litseyga oʻqishga kirish uchun hujjat topshirgan talabgorlar sonining mazkur litsey uchun belgilangan qabul parametriga nisbati (raqobat koʻrsatkichi); oliy taʼlim muassasalariga qabul qilingan oʻquvchilar ulushi; reyting aniqlangan yilda nufuzli xalqaro va respublika fan olimpiadalari, sport musobaqalarida gʻolib boʻlgan (sovrinli oʻrinlarni qoʻlga kiritgan) akademik litsey oʻquvchilari ulushi; chet tili va fanlarni bilish darajasi toʻgʻrisidagi milliy yoki xalqaro sertifikatga ega boʻlgan oʻquvchilar ulushi; ilmiy darajali, chet tili va fanlarni bilish darajasi toʻgʻrisidagi milliy yoki xalqaro sertifikatga ega boʻlgan asosiy shtatdagi pedagoglar ulushi; xorijiy pedagoglar, shuningdek, xalqaro eʼtirof etilgan tashkilotlar – Quacquarelli Symonds World University Rankings, Times Higher Education yoki Academic Ranking of World Universities reytinglarida birinchi 1 000 ta oʻrinni egallagan oliy taʼlim muassasalari diplomlariga ega boʻlgan mahalliy pedagoglar ulushi; ma’naviy-ma’rifiy va o’quv-tarbiyaviy muhit ( 5 ta tashabbus doirasida erishilgan yutuqlar) yo‘nalishlarida baholandi (2021-yil faoliyat yakunlari boʻyicha). Natijada Qarshi muhandislik-iqtisodiyot akademik litseyi ma’naviy-ma’rifiy va o’quv-tarbiyaviy muhit (5 ta tashabbus doirasida erishilgan yutuqlar) indikator bo’yicha yuqori 10 talik pog’onasida 4-o’rinni egalladi. Akademik litseylarning umumiy reytingida yuqori 10 talikdan o’rin egalladi. Albatta bu ko‘rsatkich litsey rahbariyati va jamoasining tizimli, samarali faoliyati natijasidir.
Akademik litseyda 2022-2023 o’quv yili uchun yil davomida umumta’lim maktablarining 9-sinf iqtidorli o’quvchilarini qamrab olish maqsadida О‘zbekiston Respublikasi Prezidentining 2020-yil 3-dekabrdagi “Iqtidorli yoshlarni saralab olish tizimi va akademik litseylar faoliyatini takomillashtirish chora-tadbirlari tо‘g‘risida”gi PQ-4910-sonli qarorida belgilangan vazifalar ijrosi yuzasidan umumta’lim maktablarining 9-sinf о‘quvchilari о‘rtasida “Bilimlar bellashuvi” mavzusida fan olimpiadalari, “Ochiq eshiklar kuni” kabi targ’ibot tadbirlari tashkil qilindi. Fan olimpiadalarida 700 nafardan ortiq о‘quvchilar ishtirok etib, 12ta umumta’lim fanlari bо‘yicha bilimlarini sinovdan о‘tkazdilar. Bilimlar bellashuvida faol ishtirok etib, yuqori natijalarni qо‘lga kiritgan о‘quvchilar akademik litsey rahbariyatining diplom va esdalik sovg‘alari bilan taqdirlandilar.
O‘zbekiston Respublikasi Vazirlar Mahkamasining “Umumiy o‘rta ta’lim maktablari o‘quvchilarini tanlab olish, o‘qishga qabul qilish, ularning o‘qishini ko‘chirish va o‘qishdan chetlatish tartibi to‘g‘risidagi nizomni tasdiqlash haqida” 2018-yil 23-martagi 212- qarori qarori qabul qilingan. Vazirlar Mahkamasining ushbu qarori talablaridan kelib chiqib, akademik litseyda 2022-2023 o‘quv yili uchun o‘rta ta’lim maktablarining 9-sinf bitiruvchilarini qamrab olish va ularni qabul qilish uchun o‘quv yilining boshlanishi bilan kasbga yo‘naltiruvchi ishchi guruhlar hamda akademik litsey direktorining 2022-yil 13-iyundagi 20–K-sonli “2022-2023 o‘quv yili uchun qabul Maslahat kengashi a’zolarini tayinlash to‘g‘risida”gi buyrug‘iga asosan qabul jarayonini tashkil etildi. Vazirlar Mahkamasining 212-sonli qarori talablaridan kelib chiqib o‘rta ta’lim maktablarining 9-sinf bitiruvchilarining hujjatlari Nizomda belgilangan tartibda 20-iyundan 30-iyungacha va 30-iyundan 10-iyulga qadar litsey.edu.uz sayti orqali onlayn ro’yhatdan o’tkazildi. Jami 668 nafar 9-sinf bitiruvchilaridan hujjatlar yig‘ma jildlari qabul qilindi, Adliya vazirligida davlat ro‘yxatidan o‘tkazilgan 2018-yil 18-iyul 3040-sonli O‘zbekiston Respublikasi Oliy va o‘rta maxsus ta’lim vazirligi va Xalq ta’lim vazirligining “Akademik litseyilarda saralash imtihonlarini o‘tkazish, rasmiylashtirish va natijalarini e’lon qilish tartibi to‘g‘risidagi nizomni tasdiqlash haqida”gi qaroriga asosan saralash imtixonlari o‘tkazildi. Saralash imtihonidan muvaffaqiyatli o‘tgan 287 nafar o‘quvchilar akademik litseyning 1-bosqich o‘quvchilari safiga o‘qishga qabul qilindi.