Kuni kecha mamlakatimizda “Zakovat” intellektual oʻyinini aholi orasida ommaviy-maʼrifiy harakatga aylantirishda qoʻshayotgan hissasi, oʻrta-maxsus va professional taʼlim muassasalarida “Zakovat” klubi faoliyatini samarali yoʻlga qoʻyganligi va boshqa xizmatlari uchun bir guruh faol “Zakovat” koordinatorlari planshetlar bilan taqdirlandilar.
Eʼtirofga sazovor boʻlganlar orasida Qarshi MII akademik litseyi yoshlar ishlari va maʼnaviy-maʼrifiy ishlar boʻyicha direktor oʻrinbosari Nasibulla Yoriqulov ham bor.
✅Bu mukofot Nasibulla Yoriqulovning uzoq yillik samarali mehnatiga berilgan bahodir. Sababi uning boshchiligida akademik litsey oʻqituvchilari jamoasi 2021-yili “Breyn ring” finalchisi. 2023-yilda ayollar jamoasi “Zakovat” bellashuvida viloyat chempioni boʻldi.
Oʻquvchilari 2022-yili «Zakovat» intellektual oʻyinida viloyat bosqichi gʻolibi, joriy yilda esa 2-oʻrin sohibi boʻldilar.
Nasibulla Yoriqulovni ushbu eʼtirofga sazovor boʻlgani bilan samimiy muborakbod etamiz!
